Դարյալի կիրճի Ռազմավիրական ճանապարհը, որը միացնում է Վրաստանը Ռուսաստանին, որտեղ նախօրեին տեղի էր ունեցել սողանցք, կվերականգնվի մոտավորապես 2 շաբաթ անց, հայտարարել է Վրաստանի նախագահ Գեորգի Մարգվելաշվիլին, որը ժամանել է արտակարգ պատահարի վայր:
Ներկայումս փրկարարները շարունակում են 2 մարդկանց որոնողական աշխատանքները, որոնք կորել են աղետի գոտում:
Ավտոճանապարհի հաղորդակցությունը դադարեցված է՝ կապված արտակարգ պատահարի հետ:
«Մեր գերատեսչություններն այսօր ասում են, որ ճանապարհի վերականգնումը տեղի կունենա մոտավորապես 2 շաբաթում»,- հայտարարել է Մարգվելաշվիլին վրացական «Իմեդի» հեռուստաընկերության եթերում:
Նա նշել է, որ աղետի հետևանքով տուժել է Հայաստանը գազով մատակարարող խողովակը:
«Գազատարի խողովակը, որը գազ է մատակարարում Հայաստանին, շուտով կվերականգնվի: Մեր հայ գործընկերները հստակ գիտեն, որ ենթակառուցվածքների վերականգնումը մեզ համար առաջնային է: Անցած անգամ մենք շատ արդյունավետ վերականգնեցինք Հայաստանի հետ այդ կոմունիկացիան»,- նշել է Մարգվելաշվիլին:
