Ֆրանսիան դեռ չէր հասցրել հանգստանալ առաջին տիկնոջ հետ կապված պատմությունից, երբ բռնկվեց նոր սկանդալ:
Ֆրանսիայի արդարադատության նախկին նախարար Ռաշիդա Դաթին, ով ծնվել է Հյուսիսային Աֆրիկայից ներգաղթյալների ընտանիքում, վստահեցնում է, որ իր երեքամյա դստեր հայրը 68-ամյա մուլտիմիլոնատեր Դոմինիկ Դեսեյնն է, հաղորդում է NEWSru.co.il.-ը:
Նախկին նախարարը դիմել է Վերսալի դատարան՝ պահանջելով ստիպել Դեսեյնին ճանաչել հայրությունը, սակայն վերջինս հրաժարվում է ԴՆԹ անալիզից, պնդելով, որ 2008 թվականին, երեխայի բեղնավորման ընթացքում, Դաթին ունեցել է առնվազն 8 սիրեկան:
Ֆրանսիական Le Monde պարբերականին տված հարցազրույցում երկու երեխաների հայր, որբևայրի Դեսեյնը հայտարարել է, որ բազում տղամարդկանցից մեկն է եղել, ով օգտվել է Ռաշիդի սիրառատությունից:
Նրա խոսքերով՝ երջանիկների թվում են եղել Իսպանիայի վարչապետ Խոսե Մարիյա Ասնարը, Ֆրանսիայի նախագահ Նիկոլա Սարկոզին և նրա եղբայրը:
Հիշեցնենք, որ չամուսնացած Ռաշիդա Դաթին 2009 թվականի հունվարին երեխա էր ունեցել, որի կնքահայր համաձայնել էր լինել Ֆրանսիայի նախագահը: Նշենք նաև, որ Ֆրանսիայի առաջին տիկնոջ հակակրանքը արդարադատության նախարարի նկատմամբ առաջացել է անմիջապես այն բանից հետո, երբ Կլարա Բրունին ծանոթացել էր Նիկոլա Սարկոզիի հետ:
