Բելգիայում ոստիկանական ծառայության վերահսկման մշտական կոմիտեն սկսել է հետաքննություն, որպեսզի գտնի Breitling ապրանքանիշի ժամացույցը, որը պատկանում է ֆրանսիացի դերասան Ժան-Պոլ Բելմոնդոյին, հաղորդում է Interfax-ը:
5-10 հազար եվրո արժողությամբ ժամացույցը և այլ թանկարժեք իրեր առգրավվել էին դերասանի նախկին ընկերուհու` Բարբարա Գանդոլֆիի առանձնատնից:
«Ժան-Պոլը հաճախ էր գալիս առանձնատուն: Նա միշտ այնտեղ էր թողնում հավելյալ իրեր: Ես ասել եմ քննիչներին, որ իրենք պետք է թողնեն այդ ժամացույցը` որպես Ժան-Պոլի սեփականություն, բայց նրանք ինձ չհավատացին և տարան ամեն ինչ»,- ասել է Գանդոլֆին լրագրողներին:
Ֆրանսիացի դերասանին հաջողվել է վերադարձնել Cartier ժամացույցը, սակայն նրան այդպես էլ չի հաջողվել գտնել Breitling ժամացույցը:
Ըստ Գանդոլֆիի փաստաբանի` խոսքը սովորական գողության մասին է, որն իրականացվել է ոստիկանների կամ դատական աշխատողներից մեկի կողմից:
