Այսօր Գերմանիայում փախստականների բողոքի երթը կհասնի Բեռլին: Փախստականները պահանջում են կենսապայմանների բարելավում: Այս մասին հայտնում է RBB ռադիոն: Նրանք ոտքով 28 օրում քայլել են բավարական Վյուրցբուրգից Բեռլին: Սեպտեմբերի սկզբին երթին մասնակցել է 20 մարդ, իսկ երթի ավարտին մասնակիցների թիվը հասել է 70-ի:
Հոկտեմբերի 4-ին Պոտսդամում կայացել է ցուցարարների մամլո ասուլիսը: Նրանք հանդես են եկել օրենքի դեմ, համաձայն որի՝ գերմանացի պաշտոնյաները կսահմանեն այն տարածքը, որտեղ կարող են բնակվել փախստականները: Refugee Emancipation համայնքի ղեկավար Չու Էբենի խոսքով՝ դա կհանգեցնի հասարակությունից փախստականների մեկուսացմանը:
Ցուցարարները դժգոհում են հանրակացարանային պայմաններից և պահանջում արագացնել կեցության հայտերի քննարկումը:
Երթը կավարտվի Ազատ համալսարանի շենքի մոտ: Ակցիան հոկտեմբերի 13-ին կեզրափակվի հանրահավաքով:
Միևնույն ժամանակ, նեոնացիստները պատրաստվում են ցույց անցկացնել՝ փախստականներին երկիր թողնելու դեմ: Պոտսդամի իշխանությունները աջակցություն են հայտնել փախստականներին և կոչ արել քաղաքացիներին դեմ հանդես գալ նեոնացիստներին:
