INTERFAX.RU –ի փոխանցմամբ վրացական ընդդիմությունը պահել է իր խոստումը և վերջին նախընտրական ցույցին հարյուր հազարից ավել կողմնակիցներ է հավաքել Թբիլիսիի կենտրոնում:
Ազատության հրապարակն ամբողջությամբ լցված է մարդկանցով, ինչպես նաև նրան հարող Ռուսթավելիի պողոտան և ուրշ փողոցներ: Մասնակիցների քանակը դժվար է որոշել: Անկախ վրացական փորձագետների կարծիքով՝ ցույցին մասնակցում է ավելի քան հարյուր հազար մարդ:
Հիշեցնենք,որ ելույթ ունենալով ցույցին, «Վրացական երազանք» կոալիցիայի առաջնորդ Բիձինա Իվանիշվիլին հայտարարել է, որ «մոտենում է Վրաստանի նոր ծննդյան օրը»: Նրա խոսքերով՝ չնայած «ընդդիմության դեմ իշխանությունների հայտարարած ահաբեկչությանը, ամբողջ Վրաստանը ոտքի կանգնեց բռնության դեմ»:
«Սաակաշվիլին և նրա շրջապատը ձեռք են բարձրացրել ժողովրդի վրա, այդ պատճառով էլ իրենց պատիժը կստանան: Ժողովուրդը արդեն կայացրել է իր վճիռը, և այն օրինական ուժ կստանա հոկտեմբերի մեկին՝ խորհրդարանական ընտրություններին»,- ասել է Իվանիշվիլին:
