Այսօր ԲՀԿ ղեկավար Գագիկ Ծառուկյանի գլխավորությամբ կքննարկվի ԲՀԿ պատգամավոր Վարդան Օսկանյանին անձեռնմխելիությունից զրկելու ՀՀ գլխավոր դատախազի միջնորդագրի հարցը: Այս մասին «Առաջին լրատվական»-ին տեղեկացրեց ԲՀԿ ղեկավար Գագիկ Ծառուկյանի մամլո խոսնակ Իվետա Տոնոյանը:
Նա հստակեցրեց, որ օրվա երկրորդ կեսին ԲՀԿ խորհրդարանական խմբակցությունը նիստ է հրավիրվելու, որը գլխավորելու է Գագիկ Ծառուկյանը:
Ըստ Իվետա Տոնոյանի՝ նիստի ավարտից հետո կուսակցությունը կհայտնի իր դիրքորոշումը հարցի առնչությամբ:
Հիշեցնենք, որ ՀՀ գլխավոր դատախազ Աղվան Հովսեփյանը երեկ Ազգային Ժողով էր ներկայացրել միջնորդագիր՝ ՀՀ ԱԺ պատգամավոր Վարդան Օսկանյանին ՀՀ կառավարությանն առընթեր ազգային անվտանգության ծառայության քննչական վարչության վարույթում քննվող քրեական գործով, որպես մեղադրյալ ներգրավելու համաձայնություն տալու մասին: ՀՀ գլխավոր դատախազի մամուլի քարտուղար Սոնա Տռուզյանը նշել էր, որ խոսքը գնում է միայն որպես մեղադրյալ ներգրավելու մասին: Խափանման միջոցի հարց չի բարձրացվում
