Ալ-Ղաիդայի առաջնորդ Բեն Լադենի հարցազրույցը 1997 թվականին՝ CNN հեռուստակայանին:
-Պարոն Բեն Լադեն, Դուք ջիհադ եք հայտարարել Միցյալ Նահանգների դեմ, կարո՞ղ եք ասել` ինչու: Եվ մանրամասնեք, խնդրում եմ, արդյոք այդ ջիհադը ուղղված է ԱՄՆ կառավարության դեմ, թե արաբական երկրներում գտնվող ԱՄՆ զորքերի դեմ: Այդ դեպքում ինչպես վարվել արաբական երկրներում գտնվող ԱՄՆ քաղաքացիների կամ Միացյալ Նահանգներում բնակվող հասարակ մարդկանց մասին:
Մենք ջիհադ ենք հայտարարել ԱՄՆ կառավարությանը, քանի որ այն անարդար է, քրեականացված ր բռնապետական: Նրանք իրականացրել են ծայրահեղ անարդար, գաղտուկ և հանցագործ քայլեր կամ ուղղակիորեն կամ Իսրայելին աջակցելու միջոցով: Եվ մենք կարծում ենք, որ ԱՄՆ-ը ուղղակիորեն պատասխանատու է Պաղեստինում, Լիբանանում, Իրաքում մարդկանց սպանությունների համար:
…
Մեր կրոնը չի թույլատրում որևէ ոչ մուսուլմանի բնակվել մեր երկրում: Ուստի, չնայած ԱՄՆ քաղաքացիները մեր թիրախը չեն, սակայն նրանք պետք է թողնեն մեր երկիրը: Մենք նրանց անվտանգությունը չենք երաշխավորում, քանի որ մենք գտնվում ենք մի հասարակությունում, որտեղ մեկ միլիարդից ավել մուսուլման կա: Այդպիսի հակազդեցություն կարող է լինել` որպես ԱՄՆ կառավարության քաղաքականության հետևանք, որի պատճառով ավելի քան 600 հազար մուսուլման երեխաներ Իրաքում տառապում են` սննդի և դեղորայքի բացակայությամբ:
-Պարոն Բեն Լադեն, արդյոք ԱՄՆ ներկայությունից հրաժարումը Սաուդիան Արաբիայում կբերի ԱՄՆ դեմ հայտարարված ջիհադի ավարտին:
– Այս արձագանքի պատճառը պետք է գտնվի և այն գործողությունը, որ բերում է ջիհադին, դա պետք է դադարեցվի: Իսկ մեր այսպիսի արձագանքը ոչ թե ԱՄՆ` միայն Արաբական թերակղզում գտնվելու դեմ է, այլ ուղղված է ԱՄՆ` մուսուլմանների դեմ ագրեսիվ քաղաքականության դեմ: Այսպիսով, եթե այս պատճառը վերացվի, ապա դրա եհտևանքն էլ կվերանա: Այսինքն ԱՄՆ-ը պետք է դադարեցնի իր ագրեսիվ վերաբերմունքը և հալածանքները ընդհանրապես մուսուլմանների դեմ ողջ աշխարհում, ոչ թե միայն Արաբական թերակղզում:
-Պարոն Բեն Լադեն, արդյո՞ք Ձեզ փորձում են սպանել: Դուք վախենում եք Ձեր կյանքի համար:
– ԱՄՆ ճնշումները գաղտնիք չեն ձեզ համար: Մի քանի փորձ արվել է` ինձ ձերբակալելու կամ սպանելու նպատակով: Արդեն յոթ տարի է` ինչ դա շարունակվում է: Ալլահի օրհնությամբ ոչ մի փորձ հաջողությամբ չի պսակվել: Սա ապացույց է մուսուլմանների, աշխարհի համար, որ ԱՄՆ-ը ավելի անկարող և թույլ է, քան փորձ է արվում համոզել մարդկանց: Հավատացյալը պետք է ընդունի, որ իր կյանքը Ալլահի ձեռքերում է: Ալլահի համար սպանվելը մեծ պատիվ է, որը հասանելի է միայն ազգի սերուցքին: Մենք տենչում ենք Ալլահի համար մահը ճիշտ այնպես, ինչպես որ սիրում ենք կյանքը: Մենք վախենալու ոչինչ չունենք: Դա այն է, ինչ մենք ցանկանում ենք:
-Որոնք են Ձեր հետագա պլանները:
– Դուք կտեսնեք և կլսեք դրանց մասին: Առաջ Աստված:
Պարոն Բեն Լադեն, եթե նախագահ Քլինթոնին ուղերձ հղելու առիթ ընձեռվեր, ինչ հաղորդագրություն կհղեիք նրան:
Քլինթոնի կամ ԱՄՆ կառավարության հիշատակումը առաջ է բերում ցասում, որովհետև այն միանգամից ասոցիացվում է մեզ մոտ նույնիսկ մեկ տարին չլրացած գլխատված երեխաների պատկերի հետ, Իրաքում զոհված մանուկների, նրանց վրա կրակող Իսրայելի զինվորների պատկերի հետ: Մուսուլմանների սրտերը ցասումով են լցված ԱՄՆ կառավարության և ԱՄՆ նախագահի դեմ: ԱՄՆ նախագահի սիրտը բառեր չի հասկանում: Այն սիրտը, որ պարզորոշ կերպով գիտակցելով հարյուրավոր երեխաներ է սպանում, խոսքեր չի հասկանում:
Արաբական թերակղզում բնակվող մեր մարդիկ նրան առանց բառերի հաղորդագրություն կուղարկեն, քանի որ նա որևէ բառ չի հասկանում:Եթե ես կարողանայի ձեր միջոցով ուղերձ հղել, ես այն կուղղեի այն ամերիկյան զինվորների մայրերին, որ այստեղ են եկել իրենց զինվորական համազգեստով և հպարտորեն քայլով մարշ են անում, մինչ մեր երկրի գիտնականները փտում են բանտերում: Ես կասեի, որ սա մեկ միլիարդ 250 միլիոն մուսուլմանների անթաքույց սադրանք է: Այս մայրերին ես կասեի, որ եթե նրանք մտահոգ են իրենց զավակների համար, ուրեմն դուրս գան ԱՄՆ կառավարության դեմ և բողոքեն դրա և դրա վարած քաղաքականության դեմ: Թույլ մի տվեք, որ նա կանգնի սպանված զինվորների մարմինների առաջ և ձեզ համոզի, թե դրանք արաբական ազատամարտիկների ձեռքի գործն են, որոնց ահաբեկիչ կանվանի: Ահաբեկիչը նա է, որ Իսրայելի շահերի համար ձեր զավակներին ուղարկել է զոհվելու:
Թարգմանությունը` ejournal.am-ի
