Մարտի 20-ին Արմավիր քաղաքում կայանալիք քաղաքապետի հերթական ընտրություններում առաջադրվել է 5 թեկնածու:
Պայքարի մեջ կլինեն գործող քաղաքապետ, ՀՀԿ Ռուբեն Խլղաթյանը, ավագանու անդամ Սևակ Մինասյանը, ոչ մի տեղ չաշխատող Առնակ Գևորգյանը, Կարեն Վարդանյանը և Հայկազ Եղոյանը:
Վերջին 4 թեկնածուներն անկուսակցական են։
Արդեն երրորդ անգամ առաջադրվում է գործող քաղաքապետ Ռուբեն Խլղաթյանը, որը 2 անգամ ընտրվել է քաղաքապետ:
Սևակ Մինասյանն էլ երկու անգամ ընտրվել ավագանու անդամ:
Առնակ Գևորգյանը նախկինում ավագանու անդամ էր, Հանրապետականից նա դարձավ դաշնակցական, այժմ անկուսակցական է:
Արմավիրում շրջանառվող լուրերի համաձայն, մարտի 20-ին հիմնական պայքարը կծավալվի գործող քաղաքապետ Ռուբեն Խլղաթյանի և ավագանու անդամ Սևակ Մինասյանի միջև:
Թիվ 21 ընտրատարածքային ընտրական հանձնաժողովը, ըստ ժամանակացույցի առաջադրված թեկնածուներին կգրանցի մինչև փետրվարի 28-ը:
Քարոզարշավը կսկսվի մարտի 1-ից, իսկ վաղը կկայանան տեղամասային ընտրական հանձնաժողովների առաջին նիստերը:
Արմավիրում ձևավորվել է 16 ընտրական տեղամաս:
Հիշեցնենք, որ նախորդ ընտրություններին Գագիկ Ծառուկյանը որպես քարոզչություն Միխայիլ Շուֆուտինսկիի համերգ էր կազմակերպել:
