«Նման է երազանքի` երկուսուկես րոպեանոց վարժությունը կարող է նույնքան օգտակար լինել, որքան ժամուկեսանոց վազքը»,- գրում է Daily Mail-ը` հղում կատարելով գիտնականների եզրակացություններին:
Աբերդինի համալսարանի բժիշկ Ստյուարտ Գրեյը 18-35 տարեկան տղամարդկանց բաժանել է երկու խմբի:
Մի խումբն ակտիվորեն 30 վայրկյան վարել է հեծանիվ, ապա հանգստացել 4 րոպե, ու այդպես կրկնել 4 անգամ, իսկ մյուսները ժամուկես հանգիստ ռիթմով վարժություններ են կատարել շարժվող վազքուղու վրա:
Ընդ որում` նրանք չեն կերել յուղոտ սնունդ` ներառյալ մայոնեզ ու պանիր: Նրանց արյունը ստուգվել է` պարզելու համար, թե որքան արագ է արյան մեջ պակասում յուղի քանակությունը, քանի որ, ինչպես հայտնի է, սնունդն ընդունելուց հետո յուղի տեսքով այն պահպանվում է արյան մեջ` դառնալով սրտանոթային հիվանդությունների առաջացման պատճառ: Այս մասին նշվում է հոդվածում:
Հետազոտությունների հետևանքով պարզվել է` ովքեր քայլել են շարժվող վազքուղու վրա, նրանց արյան մեջ յուղի պարունակությունը եղել է 11%-ով քիչ` ի համեմատ նրանց, ովքեր ոչ մի վարժություն չեն արել:
Նրանք, ովքեր կատարել են ինտենսիվ կարճատև վարժություններ, այդ ցուցանիշը նվազել է 33%-ով` ինչպես 90 րոպեանոց վազքից հետո:
