Բոլորիս է հայտնի, որ թարմ, համեղ ադամթուզ աճում է միայն արևադարձներում: Սակայն Փարիզի բնակիչների համար այս իրավիճակը շուտով փոխվելու է. ֆրանսիական մայրաքաղաքի կենտրոնում, սիրահարների և ռոմանտիկների համար հայտնվելու է ադամաթզի պլանտացիա:
«Urbanana» անվանումը ստացած նախագծի հեղինակը SOA Architects ընկերությունն է: Վեց հարկից բաղկացած ջերմոցը կառուցվելու է փարիզյան երկու միջին չափսերի շինությունների միջև: Ամբողջությամբ ապակուց այս շինությունը թափանցիկ է լինելու: Կառույցի ներսում արհեստական լուսավորության շնորհիվ բույսերն իրենց զգալու են «ինչպես իրենց տանը»:
Առաջին հարկում տեղակայվելու է լաբորատորիան և այցելուների համար նախատեսված վայրը, որտեղ վերջիններս կարող են վայելել Եվրոպայի կենտրոնում գտնվող առաջին արևադարձային դրախտը, այնտեղ աճելու են ադամաթզի տարբեր տեսակներ:
Բույսերի խնամքը տեղի է ունենալու ավտոմատացված սարքավորումների միջոցով:
Այսպիսի ջերմոցի առավելություններից է այն, որ փարիզեցիներին կառաջարկվի թարմ պտուղ՝ հնարավորինս մատչելի գնով:
