«Ո՛չ իշխանություններին», «Ո՛չ անարդարությանը» կարգախոսներով հանդես եկող և իշխանություններին վերջնագիր ներկայացնող ԺԿ առաջնորդ Տիգրան Կարապետյանը հանրահավաքի ընթացքում մի պահ մոռացավ, թե ովքեր են այսօր իշխանությունները և հիշեց ՀԱԿ առաջնորդ Լևոն Տեր-Պետրոսյանին:
«Ո՞վ է գող ու ավազակ: Գող եք դուք` թալանողներդ, Լևոն Տեր-Պետրոսյանն է գող, որ 1500 հատ գործարան թալանեցին, ո՞ւր է Հայաստանի հարստությունը, ո՞ւր է ամենը, ինչ մենք ունեինք, ո՞վ է տարել, ո՞վ է լափել: Ինչքա՞ն է իրենց որովայնում տեղավորվում, այդ 4-5 միլիարդը ո՞վ ունի, մենք ունե՞նք, մեր ձեռքից էլ վերջինն են խլում, խլելով վարկաբեկում են»,- հռետորական հարցեր բարձրացրեց Կարապետյանը:
«Առաջին լրատվականի» հարցին, թե այժմ ո՞ւմ դեմ է պայքարում Տիգրան Կարապետյանը` Լևոն Տեր-Պետրոսյանի՞, թե՞ Սերժ Սարգսյանի. Կարապետյանը պատասխանեց. «Լևոն Տեր-Պետրոսյանն է իմ դեմ պայքարում, ես Սերժ Սարգսյանի դեմ եմ պայքարում և բոլոր իշխանավորների դեմ»:
Կարապետյանը նաև հայտարարեց, թե ինքը ՀԱԿ-ին ընդունում է, իսկ ՀՀՇ-ին` ոչ:
