Ինչպես այսօր մամուլի ասուլիսի ժամանակ հայտարարել է ՆԳՆ ներքին զորքերի հրամանատար Նիկոլայ Ռոգոժկինը, Ռուսաստանի ուժային կառույցներն իրականացնում են լայնածավալ գործողություններ հյուսիսկովկասյան գրոհայինների ղեկավար Դոկու Ումարովին վերացնելու համար:
«Բոլոր ուժերն ուղղված են նրան, որպեսզի վերացնենք այդ առաջնորդին: Դրանք լայնածավալ միջոցառումներ են, որոնց մասնակցում են նաև ներքին զորքերի զինվորականները,- ասել է Ռոգոժկինը և ավելացրել,- մենք սերտ կապի մեջ ենք մյուս ուժային կառույցների հետ»:
Հիշեցնենք, որ այսօրվա ասուլիսի ժամանակ Ռոգոժկինը նաև հայտարարել էր, որ «Դոմոդեդովո» օդանավակայանում հունվարի 24-ին պայթյուն իրականացրած մահապարտ ահաբեկիչը ծառայել է ՆԳՆ զինված ուժերում:
Այս մասին հաղորդում է РИА-Новости գործակալությունը:
