ԱՄՆ պաշտպանության նախարարության` «Ռոսոբորոնէքսպորտի» հետ համագործակցության արգելքում այսօր կատարած փոփոխությունները չեն ազդի Ռուսաստանի ու Հյուսիսատլանտյան դաշինքի համագործակցության վրա` ռուսական ուղղաթիռներն Աֆղանստան մատակարարելու հարցում: Այս մասին այսօր հայտարարել է ՆԱՏՕ-ի ներկայացուցիչը:
«Մենք նկատում ենք, որ ՆԱՏՕ-ի համագործակցությունը ՌԴ-ի հետ Աֆղանստանի ռազմաօդային ուժերին ուղղաթիռներ մատակարարելու հետ կապված, կազմակերպվել է «Օբորոնպրոմի» ու ոչ թե «Ռոսոբորոէքսպորտ » միջոցով»,- Interfax-ի հետ զրույցում ասել է Բրյուսելում ՆԱՏՕ-ի կենտրոնակայանի աշխատակիցներից մեկը:
Դաշինքի ներկայացուցչի խոսքով` Աֆղանստանում կայունությունը ՆԱՏՕ-ի ու ՌԴ-ի հետաքրքրությունների շրջանակում է:
Ինչպես հայտնել էր «Վզգլյադ»-ը, երեկ ԱՄՆ Կոնգրեսի Ներկայացուցիչներին պալատը ընդունել էր փոփոխություններ, որոնք Պենտագոնին արգելում են համագործակցել ռուսական «Ռոսոբորոնէքսպորտի» հետ, քանի որ այն Սիրիա մատակարարումներ է կատարել:
