Եվրախորհրդարանի պատգամավորներն անհանգստացած են Ռումինիայի նախագահ Տրայան Բեսեսկուին պաշտոնից հեռացնելու որոշմամբ: Նրանք կոչ են արել քննել, թե ինչպես է իրականացվել իմփիչմենթի գործընթացը:
Խորհրդարանականների կարծիքով, ինչպես հաղորդում է BBC-ն, նախագահին պաշտոնից հեռացնելը կարող է հանդիսանալ ԵՄ իրավական նորմերի խախտում:
Երեկ Բեսեսկուն պետության ղեկավարի լիազորությունները հանձնեց սենատի խոսնակ Կրին Անտոնեսկուին: Լիզորությունների փոխանցման արարողությունը տեղի է ունեցել փակ ռեժիմով:
Առաջիկա 30 օրերի ընթացքում երկրում պետք է տեղի ունենա համազգային հանրաքվե՝ նախագահի իմփիչմենթը հաստատելու համար: Այն տեղի կունենա հուլիսի 29-ին: