Տրանսպորտի վարչության պետը այսօր անցկացված աշխատանքային հերթական խորհրդակցության ժամանակ Երևանի քաղաքապետ Տարոն Մարգարյանին զեկուցել է, որ նախորդ շաբաթվա ընթացքում ամենօրյա հսկողություն է իրականացվել հասարակական ավտոտրանսպորտային միջոցների սպասարկման որակի նկատմամբ: Զեկուցվել է նաև, որ ավարտվել է Երևանի ներքաղաքային ավտոբուսային և միկրոավտոբուսային կանոնավոր փոխադրումների երթուղիների 5 մրցույթ, որին մասնակցել են 26 երթուղիներ:
«Քաղաքային իշխանության կողմից տարվող աշխատանքները պետք է տեսանելի ու շոշափելի լինեն մեր քաղաքացիների համար: Ըստ այդմ, մրցույթների ժամանակացույցը պետք է սահմանել այնպես, որ օր առաջ հասարակական տրանսպորտի սպասարկումն այլևս չիրականացվի հնամաշ մեքենաներով:»,-ընդգծել է Տարոն Մարգարյանը:
Ինչպես «Առաջին լրատվական»-ին հայտնում են Երևանի քաղաքապետարանի տեղեկատվության և հասարակայնության հետ կապերի վարչությունից զեկուցվել է, որ փորձարկման աշխատանքներ են ընթանում հասարակական տրանսպորտի կանգառներում էլեկտրոնային չվացուցկաների համակարգի տեղադրման ուղղությամբ: