Բրազիլիայի նախկին նախագահ և երկրի ներկայիս ղեկավար Դիլմա Ռուսեֆի խորհրդական Խոսե Ինասիո Լուլա դե Սիլվան սատարել է Ուգո Չավեսի թեկնածությունը: Բրազիլիայի նախկին առաջնորդը վենեսուելացի սոցիալիստի կառավարման տարիներն անվանել է «արտակարգ», իսկ նրա հավանական հաջողությունը` «համընդհանուր հաղթանակ»:
«Միայն Չավեսի կառավարման օրոք ժողովրդական զանգվածների նկատմամբ սկսեցին ցուցաբերել այդքան հարգանք և հոգատարություն: Այդ ձեռքբերումը պետք է պահել և կրկնապատկել: Չավե’ս, դու կարող ես հույսդ դնել իմ օգնության և Հարավային Ամերիկայի ձախակողմյան հայացքների յուրաքանչյուր կողմնակցի, յուրաքանչյուր դեմոկրատի աջակցության վրա»,- մեջբերում է RBK-ն Լուլա դե Սիլվայի բառերը:
Ախտորոշման նմանությունը վենեսուելացի առաջնորդին թույլ էր տվել մտածել, որ Սպիտակ տունը մշակել է գաղտնի տեխնոլոգիա, որը մարդկանց օրգանիզմներում առաջացնում է ուռուցքային հիվանդություններ, և այն փորձարկել Հարավային Ամերիկայի առաջնորդների վրա: Հայտարարություն անելով այս մասին` Չավեսն ասել էր, որ դա իր ենթադրությունն է:
Վենեսուելացի առաջնորդին և Բրազիլիայի նախկին նախագահին միավորում է միևնույն հիվանդությունը: Երկու քաղաքական գործիչները տառապում են քաղցկեղով:
Հիշեցնենք, որ նախագահական ընտրությունները Վենեսուելայում տեղի են ունենալու հոկտեմբերի 7-ին:
