Ավստրալացի և ինդոնեզիացի նավաստիներին հաջողվել է փրկել 110 մարդու կյանք, որոնք ուղևորվում էին Հնդկաստանից դեպի Ավստրալիա և Հնդկական օվկիանոսում նավաբեկության էին ենթարկվել:
Ինչպես այսօր առավոտյան հայտարարել է Ավստրալիայի ներքին գործերի նախարար Ջեյսոն Քլերը, բոլոր փրկվածները հասուն տղամարդիկ են ու 13-ամյա մի դեռահաս: Նավաստիները հայտնաբերել են նաև խեղդվածների 3 դի:
Նախարարն ասել է, որ առայժմ չի կարող ասել զոհվածների հստակ թիվը, սակայն, դատելով նախնական տվյալներից, նավում գտնվել է շուրջ 200 մարդ:
Առաջինը աղետի մասին հայտնել էին ավստրալացի օդաչուները, որոնք օվկիանոսում տեսել էին շրջված նավը, որից հուսահատորեն կառչել էին մարդիկ:
Ավստրալիայի և Ինդոնեզիայի փրկարար ծառայության փրկարարներն անհապաղ անցել էին մարդկանց փրկելու գործին, որը շարունակվում է մինչ այս պահը։
