Քարդաշյան-Ուեսթ աստղային զույգը հարաբերությունների «մեղրամսում» է: Նրանք Փարիզի Ferdi ռեստորանում իրենց ռոմանտիկ ընթրիքն են վայելել, գրկախառնվել են, նույնիսկ կատակել ու լիաթոք ծիծաղել: Քիմն իր ձեռքը պահել է Քանյեյի ջինսե տաբատի հետևի գրպանում, իսկ ռեփերը թևով գրկել է նրա ուսերը:
Օփրա Ուինֆրիի հետ հարցազրույցում նա ասել է, որ իրեն գրավող հատկանիշներից մեկն այն է, որ Քանյեն իրենից մեծ է:
Ընթրիքից հետո զույգը 380 հազար դոլար արժողությամբ Lamborghini –ով ուղևորվել է հյուրանոց: Այն Քիմն էր ընկերոջ համար գնել ծննդյան 35-ամյակի առիթով:
Քարդաշյանն ի սրտե վայելում է Փարիզը: ՆաTwitter միկրոբլոգների ցանցում է տեղադրել ռեստորանի յուրօրինակ ուտեստներից մեկի՝ սխտորահամ կարագով համեմված խխունջների լուսանկարն ու գրել. «Ուտե՞լ, թե՞ չուտել»:
Քարդաշյանների ընտանիքի մոտ աղբյուրը Daily Star-ին պատմել է, որ Քիմի մայրը չի ցանկանում, որ իր դուստրը Քանյեի հետ երևա հանրության աչքին՝ Քրիս Համֆրիսի հետ 72-օրյա համատեղ կյանքից հետո:
«Քիմի մայրը շատ հիասթափված է, որ իր դուստրը շրջում է նոր ընկերոջ հետ: Քանյեն համաձայնել է նկարահանվել նրանց ‘Keeping Up With the Kardashians շոուի հերթական եթերաշրջանում: Նա անում է ամեն ինչ՝ փորձելով հաճոյանալ զոքանչին»,- նշել է աղբյուրը:
