Նացիստական հանցագործությունների համամասնակից Ջոն Դեմյանյուկի հարազատները բժիշկներին մեղադրել են նրա մահվան մեջ, հաղորդում է Agence France-Presse-ը, որի տրամադրության տակ հայտնվել է ներկայացված հայցը: Դեմյանյուկի այրին և նրա որդին դիմել են Ռոզենհեյմի դատախազություն:
Նրանց կարծիքով՝ 5 բժիշկներ և բուժքույրը 91-ամյա հիվանդին նշանակել են «Նովալգին» դեղը, որը վերջին հաշվով հանգեցրել է նրա մահվան: Հայցում ասվում է, որ բժիշկները չպետք է նրան այդ դեղամիջոցը նշանակեին նրա տարիքի և ոսկրածուծի վնասվածքի համար:
Դեմյանյուկի մահից հետո փորձագետները եկել են այն եզրակացության, որ մարմնի վրա բռնության հետքեր չկան, սակայն մահվան իրական պատճառը այդպես էլ չի հաղորդվել:
Ջոն Դեմյանյուկը մահացել է 2012թ. մարտի 17-ին: 2011թ. մայիսին Մյունխենում ավարտվեց նրա գործով դատավարությունը, որի արդյունքում նա մեղավոր ճանաչվեց նացիստներին աջակցելու մեջ և դատապարտվեց 5 տարվա ազատազրկման: Դատավորները նրան մեղավոր ճանաչեցին Սոբիբորի «մահվան ճամբարում» 27,900 հրեաների սպանությանը մասնակից լինելու մեջ:
Դատավճռի հրապարակումից անմիջապես հետո Դեմյանյուկն ազատ արձակվեց առողջական վիճակի վատթարացման պատճառով: Դրանից հետո նա ապրում էր Ռոզենհեյմի ծերանոցում: