Նորվեգական Opera Software ընկերությունը ներկայացրել է Opera 12 բրաուզերը՝ նախատեսված Windows, Mac OS X և Linux օպերացիոն համակարգերի համար: Այս մասին ասված է ընկերության մամլո հաղորդագրությունում:
Ընկերությունը հրաժարվել է բրաուզերում կիրառել վիջեթներ, ձայնային կառավարում և Opera Unite տեխնոլոգիան, որը թույլ է տալիս համակարգիչը վերածել սերվերի: Opera 12 բրաուզերում հասանելի է դարձել աջից ձախ գրելու հնարավորությունը: Բրաուզերը ներբեռնել հնարավոր է Opera Software-ի կայքում:
Բրաուզերի նախորդ տարբերակը՝ Opera 11-ը, թողարկվել էր 2010-ի դեկտեմբերին: Opera 12-ի բետա-տարբերակը հայտնվել է 2012-ի ապրիլին:
