Սիրիայում ավարտվել են խորհրդարանական ընտրությունները։ Հիշեցնենք, որ վերջին կես դարի ընթացքում առաջին անգամ դրանք անցկացվում էին բազմակուսակցական հիմքով։ Նախնական տեղեկություններով` ընտրություններին մասնակցել է սիրիացիների առնվազն 60%-ը։ Այս մասին հաղորդում է ITAR-TASS գործակալությունը։
Տեղի մեկնաբանների կարծիքով` ընտրությունների արդյունքում պատգամավորական ներկայությունը խորհրդարանում զգալի փոփոխություն կկրի։
Հիշեցնենք, որ նման ընտրությունների անցկացմանը Սիրիայի իշխանությունները ստիպված են եղել գնալ այն բանից հետո, երբ երկրում սկսվեցին հակակառավարական ցույցեր ներկայիս քաղաքական համակարգը փոխելու և իշխող կուսակցության հեգեմոնիան վերացնելու պահանջով։
Ընդդիմությունն այս ընտրությունները բոյկոտում է և հայտարարում, որ դրանք կրում են ձևական բնույթ։
