Ինչպես տեղեկացրել էինք, տնտեսական մրցակցության պաշտպանության պետական հանձնաժողովը հարցում էր ուղարկել ձվի շուկայում գերիշխող դիրք ունեցող արտադրողներին պարզելու համար, թե ինչո՞ւ էր նախատոնական օրերին ձվի գինը անտրամաբանական թվերի հասել։ Հանձնաժողովի մամուլի քարտուղար Նելլի Դանիելյանը մեզ հետ զրույցում նշեց, որ դեռևս չի կարող հայտնել, թե ինչ պատճառաբանություն է եղել պատասխանում, քանի որ դա ներքին գրագրողություն կլինի։ Սակայն ավելացրեց, որ նրանց տրամադրված տեղեկատվությունը ամփոփվում և վերլուծվում է, որից հետո հանձնաժողովը կհրապարակի, թե որն է եղել պատճառը։ Նա նաև տեղեկացրեց, որ արդյունքները, օրենքի համաձայն, 20 օրում են ամփոփվում, բայց սա այդ դեպքը չէ։