Sotheby’s աճուրդների տանը վաճառքի է հանվել «արևածաղկի սերմեր», որոնք սարքված են հախճապակուց: «Արևածաղկի սերմերը» հայտնի չինացի նկարիչ Այ Վեյվեի ձեռքի գործն է:
Վաճառքի է հանվել մոտ 10 կգ արևածաղկի սերմ, որի ընդհանուր գումարը կազմում է 80-120 հազար ֆունտ ստերլինգ:
Հիմա «արևածաղկի սերմերը» ցուցադրվում են Tate Modern ժամանակակից արվեստի լոնդոնյան թանգարանում: Ցուցադրությանը ներկայացված սերմերի քանակն անցնում է 100 մլն-ից, իսկ դրանց ընդհանուր քաշը կազմում է 150 տոննա:
Ըստ նկարչի, ցուցադրությունը խորհրդանշում է Չինաստնն` իր անսպառ և գործուն աշխատուժով:
Անցած հոկտեմբերին սկսված ցուցադրության ժամանակ այցելուներին թույլ էին տալիս քայլել այդ «սերմերի» վրայով, նույնիսկ պառկել դրանց վրա: Հետագայում դա արգելվեց, քանի որ հախճապակու փոշին վնասակար է առողջության համար: