2011 թ. պետական բյուջեի և ներգրավված վարկային միջոցների հաշվին Հայաստանում հիմնանորոգվելու է 249 կմ երկարությամբ ճանապարհահատված և 6 կամուրջ, կիրականացվեն շուրջ 5.5 մլրդ դրամի ճանապարհների պահպանման և շահագործման աշխատանքներ: Այս մասին այսօր լրագրողների հետ հանդիպման ժամանակ ասաց տրանսպորտի և կապի նախարար Մանուկ Վարդանյանը: Նրա խոսքով, Ասիական զարգացման բանկի աջակցությամբ կիրականացվի 33.3 կմ երկարությամբ և 3.1 մլրդ դրամ ծախս պահանջող գյուղական ճանապարհների վերանորոգում, 31.3 կմ երկարությամբ պետական նշանակության ճանապարհների հիմնանորոգում (3.5 մլրդ դրամ) և Համաշխարհային բանկի աջակցությամբ կիրականացվի կենսական նշանակության 140 կմ հատվածի (12.4 մլրդ դրամ) բարելավում: Բացի այդ, Ասիական զարգացման բանկի աջակցությամբ իրականացվող Հյուսիս-Հարավ տրանսպորտային միջանցքի զարգացման ծրագրի շրջանակներում կիրականացվի 10.6 մլրդ դրամի աշխատանք և 2011 թ. կավարտվի 6.6 կմ շինարարական և 37.6 կմ-ի անվտանգության բարձրացման աշխատանքներ: