Սուդանի օդուժն այսօր հարված է հասցրել Հարավային Սուդանի Ալ-Ուհադա նահանգի մայրաքաղաք Բանտիոյին: Ինչպես հաղորդում է «Ազատություն» ռադիոկայանի ռուսական ծառայությունը, ռումբերն ընկել են քաղաքի ամենամեծ կամջի և շուկայի վրա:
Հաղորդվում է, որ օդային հարվածի հետևանքով զոհվել է առնվազն մեկ երեխա, մի քանի մարդ վիրավորվել են:
Իր հերթին Սուդանի բանակը հայտարարել է, որ այժմ հարավսուդանական զորքերի դեմ մարտեր են մղվում Հարավային Կորդոֆան նահանգի Տալոդի քաղաքի մերձակայքում: Բանակի ներկայացուցչի խոսքերով՝ հակառակորդը մեծ կորուստներ է կրում:
Հիշեցնենք. ապրիլի 12-ին նույնպես Սուդանի օդուժը մի քանի հարված է հասցրել Բանտիոյին, սակայն զոհեր չէին եղել:
Ավելի վաղ հաղորդվում էր, որ նավթով հարուստ Հելգիգ շրջանի վրա վերահսկողության համար մարտերում զոհվել է ավելի քան 400 մարդ: Տեղի հազարավոր բնակիչներ փախստականներ են դարձել:
