Իսրայելը պատրաստ է գրոհել իրանական միջուկային օբյեկտները ցանկացած ժամանակ:
«Մենք կարծում ենք, որ միջուկային զենք ունեցող Իրանը վտանգավոր երկիր կդառնա, և միջազգային հանրությունն ու Իսրայելը պետք է կանգնեցնեն դա: Մենք ծրագրեր ենք մշակում` ելնելով դրանից»,-հայտարարել է Իսրայելի բանակի գլխավոր շտաբի ղեկավար, գեներալ-լեյտենանտ Բենի Գանցը Едиот ахронот տեղական թերթին տված հարցազրույցում:
«Իհարկե դա չի նշանակում, որ ես հենց հիմա կհրամայեմ ավիահարձակում իրականացնել Իրանի վրա, սակայն սկզբունքորեն մենք պատրաստ ենք»,-նշել է Գանցը:
Հիշեցնենք, որ Իրանի դեմ ռազմական բախումը տեղի կունենա 2013 թ.: Այս մասին գրել են իսրայելական ԶԼՄ-ները` հղում անելով Իսրայելի պաշտպանության շրջանակների աղբյուրներին:
Աղբյուրները հայտարարում են, որ «հակաիրանական» պատժամիջոցներն սկսում են արդյունքներ ցույց տալ: Զինվորականների խոսքով` սպասվում է, որ կավարտվեն բանակցությունները Իրանի և Արևմուտքի վեց երկրների միջև:
«Տեսականորեն հարձակումն Իրանի վրա կարող է տեղի ունենալ այս տարի, սակայն իրատեսական ժամկետը 2013 թվականն է»,- ԶԼՄ-ները մեջբերում են աղբյուրները:
