Իրանական Fars News լրատվական գործակալության փոխանցմամբ՝ Իրանի ցամաքային զորքերի հրամանատար, բրիգադի գեներալ Ահմադ Ռեզա Պուրդաստանը հայտարարել է, որ ԱՄՆ-ն ու նրա համակիրները նախապատրաստել են Մերձավորարևելյան տարածաշրջանի ապակայունացման պլան.
«Իրանական կողմն ունի անհերքելի ապացույցներ, որ ԱՄՆ-ն ու նրա դաշնակիցները իրագործում են տարածաշրջանի հակամարտությունների էսկալացիային ուղղված պլանը: Այդ պլանը գործում է նաև անգամ այն երկրների նկատմամբ, որոնք ներկայումս զենք են մատակարարում սիրիացի ընդդիմադիրներին:
Սեփական շահերի համատեքստում ԱՄՆ-ի վարած քաղաքականությունը և Պարսից ծոցում հակահրթիռային պաշտպանության համակարգ տեղակայելու պլանն ուղված են տարածաշրջանում ճգնաժամային իրավիճակների առաջացմանը»:
