«077. Կոորդինատները՝ Skyfall » ֆիլմի նկարահանումների ժամանակ Ստամբուլի Մեծ շուկայում կասկադյորը մխրճվել է երեքդարյա պատմություն ունեցող խանութի ցուցափեղկի մեջ: Այս մասին տեղեկացնում է lenta.ru-ն՝ հղում անելով Reuters-ին։
Կասկադյորը, որը մոտոցիկլով անցնում էր Մեծ շուկայով, կորցրել է կառավարումը և, փորձելով խուսափել մարդանց հետ բախումից, մխրճվել է ոսկերչական խանութի բյուրեղապակե ցուցափեղկի մեջ: «Հիանալի է, որ Մեծ շուկան նման մասշտաբի ֆիլմի նկարահանման հրապարակ է դարձել: Միայն թե ֆիլմի պրոդյուսերները մեզ չէին զգուշացրել այն մասին, որ նկարահանումները նման ավարտ են ունենալու»,- ասել է խանութի տերը:
«077. Կորդինատները՝ Skyfall»-ը բոնդիանայի 23-րդ պաշտոնական ֆիլմն է: Ֆիլմի բեմադրմամբ զբաղվում է Սեմ Մենդեսը, որն ավելի վաղ նկարահանել է «Գեղեցկություն ամերիկյան ձևով», «Անիծյալ ճանապարհը» և այլ ֆիլմեր: Նոր ֆիլմում, ինչպես նախորդ երկու մասերում, Ջեյմս Բոնդի դերում հանդես է գալիս Դենիել Քրեյգը: Ֆիլմում նկարահանվում են նաև Ռեյֆ Ֆյենսը, Խավիեր Բարդեմը, Բերենիս Մառլոն և Ջուդի Դենչը:
Ֆիլմը վարձույթ դուրս կգա հոկտեմբերի 25-ին: