Սուրբ Զատկի շաբաթվա ընթացքում հավկիթի օգտագործումը կտրուկ ավելացել է, և դա անհանգստացնում է նրանց, ովքեր խիստ հետևում են իրենց քաշին:
Բրիտանացի դիետոլոգները շտապում են նրանց հանգստացնել: Բազմաթիվ հետազոտությունների արդյունքում պարզվել է, որ հավկիթն այլևս չի կարող համարվել առողջության և կազմվածքի համար վտանգավոր, հակառակը՝ այն ճանաչվել է սուպեր-մթերք՝ ինչպես բրոկոլի կաղամբը և ընդեղենը:
Մեկ ձուն պարունակում է 6-7 գ սպիտակուց, բազմաթիվ վիտամիններ, հանքանյութեր: Այս մասին տեղեկացնում է rosbalt.ru-ն՝ հղում անելով Kedem-ին: Հավկիթը հատկապես հարուստ է В, В9 վիտամիններով, երկաթով, սելիենիումով: Հում հավկիթը պարունակում է լյուտեին հակաօքսիդանտ, որը աչքի ցանցաթաղանթը պաշտպանելու դեր ունի:
Գիտնականների խոսքով՝ ապագայում հավկիթը կլինի ավելի օգտակար, քանի որ հավերին կերի հետ կտան կտավատի սերմեր և այլ հավելումներ, որոնք հավկիթը կդարձնեն նույնքան առողջարար, որքան ձկան յուղը:
Վերջին շրջանում անցկացված հետազոտությունները կապ չեն գտել ձվի օգտագործման և արյան մեջ խոլեստերինի բարձր քանակի միջև:
