Եթե դուք ցանկանում եք առողջ քաշ ունենալ, ապա արժե ուշադրության կենտրոնում պահել կարմիր գինին: Ամերիկյան գիտնականները դրանում գտել են միացություններ, որոնք վերահսկում են ճարպակալումը։ Այս մասին գրում է The Daily Mail-ը՝ հղում անելով Journal of Biological Chemistry պարբերականի հոդվածին:
Թեստերը ցույց են տվել, որ գինու մեջ պարունակվող պիցեատանոլն արգելակում է երիտասարդ ճարպային բջիջների զարգացումը` թույլ չտալով այդ բջիջներին մեծանալ: Այն օրգանիզմը պաշտպանում է նաև նեյրոդեգեներացումից և սրտային հիվանդություններից, ինչպես նաև՝ քաղցկեղի զարգացումից։
Այժմ գինու մասին այս վարկածը ստուգվում է: Գիտնականներն աշխատում են առավել կայուն և թեթև լուծվող պիցեատանոլի տարբերակ ստանալու համար: Հայտնի է, որ պիցեատանոլն իր կառուցվածքով նման է ռեսվերատրոլին, որը հայտնի է իր դրական ազդեցություններով:
