ԱՄՆ-ն ու Նոր Զելանդիան 27 տարում առաջին անգամ կանցկացնեն համատեղ զորավարժություններ: Ինչպես հայտնում է Jane’s-ը, «Ալամ Ալ-Հալֆայում» զորավարժությունները տեղի կունենան ապրիլի 26-ից մայիսի 6-ը Հյուսիսային կղզում:
Հրատարակության տվյալով` զորավարժություններին կմասնակցեն ԱՄՆ ծովային հետևակի 35 զինծառայող, ամերիկացի ցամաքային զորզքերի 41 զինվոր, ինչպես նաև շուրջ 1500 զինծառայող Նոր Զելանդիայի ցամաքային զորքերի 1-ին բրիգադից:
Stuff-ի տվյալով` զորավարժությունները տեղի կունենան Լինտոնում և Նեյպիրում: Իր անվանումը զորավարժությունը ստացել է Ալամ Ալ-Հալֆայի ճակատամարտի պատվին, որը տեղի է ունեցել 1942թ. աշնանը Եգիպտոսում: Ճակատամարտին մասնակցել են գերմանական զորքեր իտալացի դաշնակիցների հետ, ինչպես նաև Նոր Զելանդիայի ու Մեծ Բրիտանիայի զինծառայողներ:
Երկու երկրները համատեղ զորավարժություններ չեն անցկացրել 1985-ի ի վեր, երբ Նոր Զելանդիան հրաժարվեց իր նավահանգիստ թողնել ամերիկյան «Բյուկենեն» էսկադրոնային ավիակրին այն պատճառաբանությամբ, որ վերջինս կարող է կրել միջուկային հրթիռներ:
1987թ. Նոր Զելանդիան իրեն հայտարարեց «միջուկային զենքից ազատ» գոտի:
