Alessi Fiberglass ընկերությունում որոշել են «վերակենդանացնել» AR-1 սուպերմեքենան, որի համաշխարհային պրեմիերան տեղի է ունեցել Նյու Յորքի ավտոսրահում դեռ 1979թ.: Այս մասին հայտնում է AutoNews.ru-ն:
Սուպերմեքենայի «վերստեղծողները» կարողացել են պահպանել ամերիկյան մեքենայի գաղափարը` մոդելը համապատասխանեցնելով ժամանակակից գնորդների պահանջներին:
Ավտոմեքենայի թափքը պատրաստված է ապակե մանրաթելերից, ունի 6.2 լիտրանոց V8 շարժիչ Chevrolet Corvette-ից: Մեքենայի հզորությունը կազմում է 600 ձիաուժ, որը պպտող մոմենտ է զարգացնում մինչև 785 Նմ:
Ցանկացողները կարող են պատվիրել երկու տուրբոյանոց վարկածը` այդ ժամանակ V8-ը մեծանում է մինչև 750 ձիաուժի, իսկ պպտող մոմենտը զարգացնում է մինչև 943 Նմ-ի:
Նորույթն առաջարկում է մեխանիկական փոխանցման հնգաստիճան համակարգ:
Ավտոմեքենան 0-ից 100կմ/ժ է զարգացնում 3.4 վայրկյանում, իսկ նրա առավելագույն արագությունը կարող է մոտավորապես հավասար լինել 322 կմ/ժ-ի:
Ավտոմեքենան ունի ուժեղացված փոխդասավորվածությամբ անվադողեր, կողային հայելիների ու նստատեղերի ավտոմատ կառավարում, կլիմատ կոնտրոլ ու թեքվող ղեկ:
Ամերիկյան սուպերմեքենան կարտադրվի սահմանափակ թվով` 50 ավտոմեքենա, որոնք բոլորն էլ հավաքված կլինեն ձեռքով:
Նորույթի գինն առայժմ հայտնի չէ:
