Իսպանիան չունի Եվրամիության ու Արժույթի միջազգային հիմնադրամի (ԱՄՀ)-ի ֆինանսական օգնության կարիքը: Այս մասին այսօր հայտարարել է երկրի էկոնոմիկայի ու մրցունակության նախարար Լուիս դե Գինդոս Խուրադոն:
«Իհարկե, մեզ մտահոգում է, որ Իսպանիայի պարտքային պարտականությունների ռիսկի մակարդակը գերազանցում է 400 կետը, սակայն կառավարությունն ունի տնտեսական բարեփոխումների անցկացման հստակ ծրագիր, որոնք պետք է օգնեն երկիրը դուրս բերել ճգնաժամից»,- ընդգծել է նախարարը:
Միևնույն ժամանակ, նա խոստովանել է, որ ապրիլի 9-ին հայտարարված կրթության ու առողջապահության ոլորտներում բարեփոխումները թույլ կտան տարեկան 10 մլրդ եվրո խնայել պետական միջոցներից: Նա նաև հավելել է, որ Մարիանո Ռախոյայի բարեփոխումները «ունեն ոչ թե կարճաժամկետ արդյունք (էֆեկտ), այլ նախատեսված են միջնաժամկետ հեռանկարների համար»:
