Եթե երբևէ ֆիլմ նկարահանվի Ուիթնի Հյուսթոնի մասին, Ռիհաննայի համար մեծ պատիվ կլինի նրա դերում հանդես գալը:
E!Online-ը հաղորդում է, որ չնայած դեռևս նման ֆիլմի մասին ոչ մի հայտարարություն չի եղել, բայց փետրվարի 11-ին Հյուսթոնի մահվանից հետո խոսակցություններ են պտտվում, թե ով պետք է ներկայացնի երգչուհուն նրա մասին պատմող ֆիլմում:
Բացի Ռիհաննայից, խոսվում է նաև Ջենիֆեր Հադսոնի, Բրենդիի և մի քանի այլ աստղերի մասին:
Ռիհաննան այս մասին ասել է, որ իր ողջ կյանքը կտար այդ դերում հանդես գալու համար` ավելացնելով, որ դա հսկայական կարևորություն ունեցող աշխատանք է և «ով էլ որ դա անի, պետք է շատ լավ աշխատի»:
Երգչուհին նաև ասել է, որ առաջին երգը, որին ինքը երբևէ սիրահարվել է, Հյուսթոնի I Will Always Love You երգն է եղել:
