Ադրբեջանի համախառն ներքին արտադրանքը 2010-ին աճել է 5 տոկոսով: Այս մասին հաղորդում է TREND-ը վկայակոչելով վիճակագրության պետական կոմիտեի տվյալները: Աճի դրամական համարժեքը 41,6 միլիարդ մանաթ է: Երկրի յուրաքանչյուր բնակչին բաժին է ընկնում ՀՆԱ-ի մոտ 5800 դոլար ծավալ: Ավելացել է նավթային հատվածի չափաբաժինը ՀՆԱ-ում և 2010-ի արդյունքներով կազմում է 44,4 տոկոս: Տնտեսության բոլոր ոլորտներում արտադրությունն ավելացել է 3,8 տոկոսով և կազմել ՀՆԱ-ի 65,5 տոկոսը, որից 52 տոկոսը բաժին է ընկնում արդյունաբերությանը: