Գենետիկական նոր հետազոտությունը առաջ է քաշում մի վարկած, ըստ որի` ընտանի եղջերավոր անասունների նախնիները 10.500 տարի առաջ Իրանում բնակված բիզոններն են:
Ըստ հետազոտության վարկածի`ոչ մեծ թվով`մոտ 80 բիզոններ ընտանի են դարձվել:
Լոնդոնի քոլեջ-համալսարանի, Ֆրանսիայի գիտական հետազոտությունների ազգային կենտրոնի, Գերմանիայի Մայնսի համալսարանի հետազոտողների խումբը ուսումնասիրել է Իրանի հնէաբանական վայրերում հայտնաբերված եղջերավորների ոսկորների ԴՆԹ նմուշները: Դրանք շատ քիչ են տարբերվել այժմ գոյություն ունեցող կովերի ԴՆԹ-ներից: Գենետիկ նմանությունն էլ թույլ է տվել նման եզրակացություն անել:
