ИТАР-ТАСС-ի փոխանցմամբ` Ռուսաստանի փոխարտգործնախարար Սերգեյ Ռյաբկովն այսօր հայտարարել է, որ Իրանի շուրջ ստեղծված իրավիճակն ունի վատթարանալու միտում, և որ հրդեհը կարող է բռնկվել ամեն տիպի կայծից.
«Տեղի է ունենում իրավիճակի էսկալացիա, լարվածությունն աճում է: Դա շատ մտահոգիչ է: Չպետք է տուրք տալ արկածախնդրությանն ու էմոցիաներին: Չեմ ցանկանում կրկնել ակնհայտ բաներ, սակայն ստիպված եմ. դիվանագիտությունն ավելի լավ է պատերազմից, իսկ բանակցությունները՝ ռմբակոծություններից: Բանակցային լուծման հնարավորությունները դեռ սպառված չեն: Հետևաբար պետք է խուսափել զինված հակամարտությունից և պետք ձգտել պայմանավորվածության»:
