Բրյուսելում սկսվում է Եվրամիության անդամ 27 երկրների արտգործնախարարների նիստը` Իրանի, Սիրիայի և Բելառուսի նկատմամբ պատժամիջոցներր կիրառելու հարցով: Այս մասին տեղեկացնում է BBC-ն:
Մասնավորապես՝ հայտարարության տեքստում կարող է դատապարտվել նաև Մինսկի վարքագիծը`կապված Դմիտրի Կոնովալովին ու Վլադիսլավ Կովալյովին մահապատժի ենթարկելու հետ: Վերջիններս մեղադրվում էին 2011 թ. ապրիլի 11-ին Միսկի մետրոյում ահաբեկչություն կազմակերպելու մեջ:
Բացի դրանից` ԵՄ-ն կարող է ընդլայնել Բելառուսի համար «սև ցուցակը», որում այսօր տեղ են գտել այդ երկրի 227 պաշտոնյաներ` նախագահի գլխավորությամբ:
Ցուցակի բոլոր անդամներին արգելված է մուտք գործել Եմ երկրներ, նրանց բանկային հաշիվները, եթե այդպիսիք հայտնաբերվեն եվրոպական բանկերում, ենթակա են սառեցման:
