Ղրղըզստանի նախագահ Ալմազբեկ Ատամբաևը թշնամական վերաբերմունք է ցուցաբերում Կանտում ռուսական ռազմաբազայի նկատմամբ, այն դեպքում, երբ ամերիկյան «Մանաս» ավիաբազայի շուրջ հայտարարություններն արվում են այնպես, կարծես թե ԱՄՆ-ին սպասվում են այլ նախապատվություններ: Նման հայտարարություն է արել Ղրղըզստանի նախկին նախագահ Ասկար Ակաևը «Լիտեր» թերթին տված հարցազրույցում:
Ինչպես հաղորդում է Interfax-ը, նա նշել է, որ ամերիկյան ռազմաբազան փակելու վերաբերյալ հայտարարություններն արվում են այնպիսի տոնով, կարծես թե Վաշինգտոնի համար այլ հնարավորություններ կան ստանալու այլ, առավել շահավետ տարբերակներ:
«Չեմ թաքցնում, որ ինձ խիստ վրդովել են Կանտի ռուսական ավիաբազայի վերաբերյալ Ատամբաևի որոշ ոչ կոռեկտ և թշնամական հայտարարությունները»,- ասել է նա:
Նա նշել է, որ հենց ինքն է նախաձեռնել դրա ստեղծումը իր նախագահության տարիներին՝ 2003 թ., և պայմանգիր է ստորագրել Ռուսաստանի նախագահ Վլադիմիր Պուտինի հետ՝ կապված դրա գործունեության պայմանների շուրջ:
Ակաևը նշել է, որ, հաշվի առնելով այն հսկայական օգնությունը, որ ցուցաբերում է Ռուսաստանը Ղրղըզստանին նախքան 2005 թ. և դրանից հետո, Ատամբաևի հայտարարությունները Կրեմլի հասցեին հակասում են երկու ժողովուրդների և երկրների բարեկամանական հարաբերություններին:
