Ֆրանսիայի Թուլուզ քաղաքում հրեական դպրոցի վրա կրակոցների հետևանքով զոհերի թիվը հասել է 4-ի: Ինչպես հաղորոդւմ է Agence France-Presse-ը՝ վկայակոչելով քաղաքի դատախազին, զոհվել է մեկ ուսուցիչ և երեք երեխա: Le Monde-ն իր բլոգում գրում է, որ զոհվել է 30-ամյա մի տղամարդ, նրա 3 և 6 տարեկան երեխաները, ինչպես նաև 10-ամյա մի երեխա:
Մի քանի մարդ վիրավորվել է, ընդ որում՝ աշակերտներից մեկը լուրջ վնասվածք է ստացել:
Հիշեցնենք. դեպքը տեղի է ունեցել այսօր վաղ առավոտյան՝ Ozar Hatorah դպրոցի բակում: Դատախազի խոսքերով՝ անհայտ անձը անկանոն կրակ է բացել դպրոցի մոտ հավաքված երեխաների և նրանց ծնողների վրա ու թաքնվել դեպքի վայրից:
Ֆրանսիայի նախագահ Նիկոլա Սարկոզին և ներքին գործերի նախարար Կլոդ Գիանը մեկնել են Թուլուզ:
