ԱՄՆ Հանրապետական կուսակցության նախագահի հավանական թեկնածու Ռիք Սանտորումն ասել է, որ ԱՄՆ-ը կա՛մ պետք է պարտավորվի հաղթել Աֆղանստանի պատերազմում, կա՛մ հեռանա այնտեղից:
Ինչպես գրում է Associated Press-ը, Սանտորումը ABC-ի This Week հաղորդման ընթացքում ասել է, որ համաձայն է իր հակառակորդ Նյութ Գինգրիչի հետ, որ հաղթելու պարտավորությունը նշանակում է գիտակցել, որ ԱՄՆ-ը կմնա Աֆղանստանում` «աշխատանքն ավարտին հասցնելու համար»:
Փենսիլվանիայի նախկին սենատորն ասել է, որ ԱՄՆ-ի կոչումը տարածաշրջանում նրա ռազմական ներկայությունը չէ Աֆղանստանում: Նա նշել է, որ անգամ մի քանի հարյուր զինվորի օգնությամբ նախկինում հնարավոր է եղել որոշ շրջաններ մաքրել թալիբներից:
Սանտորումը խոստացել է աշխատել փորձագետների հետ` հասկանալու համար բանակի ուժը, և խոստացել է աշխատել Աֆղանստանի կառավարության հետ` հաջողությունը երաշխավորելու համար:
