«Ազատ դեմոկրատներ»-ի այսօրվա համագումարին ներկա՝ նախկին քաղբանտարկյալ Կարապետ Ռուբինյանը «Առաջին լրատվական»-ի հարցին՝ հնարավո՞ր է, որ «Ազատ դեմոկրատներ»-ի միջոցով քաղաքական նոր համակարգ ձևավորվի, չշտապեց միանշանակ պատասխանել, սակայն նշեց, որ այդ ուժը համազգային շարժման մասնակից է եղել, նպաստել պետականության կայացմանը, ինչը մեծ հույս է ներշնչում։
«Ես կարծում եմ՝ երկու կողմերի սեփական շահերից է բխում, որ «Ազատ դեմոկրատները» և «Ժառանգությունը» միավորվեն և միասնաբար մասնակցեն ընտրություններին»,- ասաց նա:
Կարապետ Ռուբինյանի խոսքերով՝ դա թույլ կտա չփոշիացնել հնարավոր էլեկտորատը: Առանձին վերցրած յուրաքանչյուրը կշիռ չի՞ ներկայացնում՝ հարցին պատասխանեց. «Առանձին գնալու դեպքում ընտրողների ձայներըը կկիսվեն, իսկ միասին լինելու դեպքում, բոլոը նրանք, ովքեր համախոհ են և ուզում են աջակցել ազատականությանը և ժողովրդավարությանը, կքվեարկեն այդ դաշինքին»:
