Apple iTunes Store ինտերնետ-խանութի 10 հազար դոլար գումարի չափով նվեր քարտը կստանա Չինաստանի բնակիչ Չունլի Ֆուն (Chunli Fu), որն անցած շաբաթվա վերջին 25 միլիարդերորդ ծրագիրն է բեռնել այդ խանութի AppStore բաժնից,- տեղեկացնում է Apple:
AppStore ծրագրերի ինտերնետ-խանութը, որը բացվել է 2008 թ., հանդիսանում է իր տեսակի ամենամեծ ծառայությունը: Այն ներառում է ավելի քան 550 հազար անվճար և վճարովի ծրագրեր iPhone սմարթֆոնի, iPad պլանշետային համակարգիչների և iPod touch մուլտիմեդիային ձայնարկիչների համար, որոնցից 170 հազարն արտադրված են հատուկ iPad-ի համար:
Apple ընկերությունը փետրվարին իր կայքում ներբեռնված ծրագրերը հաշվելու հաշվիչ է տեղադրել և մրցանակ սահմանել հոբելյանական ներբեռման համար: Ինչպես հայտարարել է Appl-ի ինտերնետ ծառայության փոխնախագահ Էդի Քյուն (Eddy Cue) Չինաստանի բնակչին հաղթանակ է բերել Where’s My Water? Free ծրագիրը:
Apple առաջինն է, որին հաջողվել է ստեղծել բջջային սարքավորումների ծրագրերի վաճառքի հաջող մոդել, որը սկսեցին օգտագործել նաև այլ սմարթֆոններ արտադրողները, մասնավորապես՝ ամենահաջողակ մրցակից Android Marke ինտերնետ խանութը, որը փետրվարի վերջին Android Market-ի կատալոգում ընդգրկել է ավելի քան 450 հազար ծրագիր:
AppStore խանութը թույլ է տալիս ծրագրեր ներբեռնել iOS- սարքավորումների համար ավելի քան 123 երկրներում: Ծրագրերը բաղկացած են 21 բաժիններից, որոնց թվում են խաղեր, նորություններ, ճանապարհորդություն, ժամանց և այլն: