Փետրվարի 29-ին` ժամը 16.00-ին, Գուգարք գյուղի մի բնակչուհուց ոստիկանության Գուգարքի բաժնում հաղորդում է ստացվել, որ փետրվարի 1-9-ն ընկած ժամանակահատվածում ննջասենյակի զգեստապահարանում դրված գրքի միջից՝ 160.000 դրամից, գողացել են 40.000 դրամը:
Պարզվել է, որ գողությունը կատարել է նույն գյուղի 59-ամյա մի բնակչուհի՝ փետրվարի 8-ին տուժողի տանը հյուրընկալվելու ընթացքում: Պարզվել է նաև, որ նույն կինը 2005թ. գարնանը հյուրընկալելով մեկ այլ հարևանուհու տանը՝ սեղանի վրայից գողացել էր 2 գրամանոց ոսկյա մատանի, որը հետագայում վաճառել էր:
«Առաջին լրատվական»-ին ոստիկանությունից հայտնում են, որ կատարվում է հետաքննություն:
