Շաբաթ օրը զինվորներով և ոստիկանությամբ շրջապատված մեքենաները սկսել են ավիրել հյուսիսարևմտյան Պակիստանում գտնվող երեք հարկանի շինությունը, որտեղ երկար տարիներ ապրել է Օսամա Բան Լադենը: Հենց այդտեղ էլ վերջինս սպանվել էր ամերիկացի զինվորների կողմից:
Associated Press-ի փոխանցմամբ՝ շինությանը հասցված յուրաքանչյուր հարված Պակիստանի պատմությունից ջնջել է այն ցավոտ հիշողությունը, որն առաջացել էր «Ալ-Քաիդայի» առաջնորդի հայտնաբերման և սպանության պատճառով:
Պակիստանը բարկացած էր, որ ԱՄՆ-ը գաղտնի հարձակում էր սկսել Աբոթաբադում` առանց երկրի կառավարությանը տեղյակ պահելու: ԱՄՆ-ն այդ քայլը բացատրել է նրանով, որ իրենք մտավախություններ ունեին, թե Պակիստանի կառավարությունում ինչ-որ մեկը կարող էր կապված լինել «Ալ-Քաիդայի» հետ:
