Եգիպտոսի գերագույն պալատի ընտրություններին մասնակցել է ընտրողների իրավունք ունեցողների 12.2%-ը, որը ռեկորդային ցածր ցուցանիշ է համարվում չորեքշաբթի ավարտված ամբողջ ընտրարշավի ժամանակ: Այս մասին Կահիրեում տեղի ունեցած մամլո ասուլիսին հայտնել է Բարձրագույն ընտրական հանձնաժողովի նախագահ Աբդելմուազ Իբրահիմը:
Ինչպես հաղորդում է RIA-Novosti-ն, Իբրահիմը հայտնել է, որ ավելի քան 20 մլն եգիպտացիներից ընտրություններին մասնակցել է 3 մլն 60 հազար մարդ:
Եգիպտոսի խորհրդատվական խորհրդի ընտրությունների առաջին փուլում հաղթել է «Մուսուլման եղբայրներ» շարժումը, որը ստացել է ընտրողների ձայների 70%-ը:
Խորհրդատվական խորհրդի առաջին նիստը նախատեսվում է փետրվարի 28-ին:
Ընտրությունները բացահայտ արհամարհելու պատճառն այն է, որ խորհրդատվական խորհուրդը որևէ իրական լիազորություններ չունի խորհրդարանում, բացի այդ՝ մարդիկ հոգնել են երկար շարունակվող ընտրություններից:
