ՌԴ նախագահի թեկնածու Վլադիմիր Պուտինի նախընտրական սոցիալական խոստումները 6 տարում բյուջերին կարժենան առնվազն 5.1 տրլն ռուբլի: Այսպիսի գնահատական է տվել Сáåðáàíê-ի մակրոտնտեսական հետազոտությունների կենտրոնը:
Ինչպես հաղորդում է Ведемости թերթը, մեկնաբանելով սոցիալական քաղաքականության վերաբերյալ Պուտինի հոդվածը՝ փոորձագետները հաշվարկել են, թե որքան կարժենան բյուջեին Պուտինի մտադրությունները՝ ուսուցիչների և բժիշկների աշխատավարձերի, կրթաթոշակների և նպաստների բարձրացում և բնակարաններ վետերաններին:
«Ամենաթանկ խոստումը»՝ ուսուսիցչների ու բուհերի դասախոսների և բժիշկների աշխատավարձերի բարձրացումն է, որի համար 6 տարում կպահանջվի մոտ 3.5 տրլն դոլար:
Թերթը գրում է, որ հաշվարկված նոր ծախսերն այնքան մեծ չեն, որքան կառավարության և նախագահի որոշ այլ նախաձեռնությունները, բայց ամեն դեպքում դրանք կարող են խախտել բյուժեի հավասարակշռությունը: Զեկույցի հեղինակների գնահատականներով՝ նավթի 95 դոլար (1 բարելը) գնի դեպքում 2012-2014 թթ. բյուջեի դեֆիցիտը կկազմի ՀՆԱ 0.5-1.5%:
Վարչապետի մյուս խոստումները նրա մյուս հոդվածներից կարող են բյուջեի դեֆիցիտն ավելացնել ՀՆԱ 3%-ով: Թերթը գրում է, որ ՀՆԱ 3% դեֆիցիտն այնքան էլ սարսափելի չէ, սակայն դա նշանակում է կամ պետական պարտքի, կամ հարկերի աճ: