«ՀՀ արտակարգ իրավիճակների նախարար Արմեն Երիցյանը «Օրինաց երկիր» կուսակցության անդամ է, բայց երբեք չի կրում իր հարազատ կուսակցության կրծքանշանը: Ինչո՞ւ՝ երեկ մեր թղթակիցը հարցրել է նախարար Երիցյանին»,- գրում է «ՀԺ»-ն և հավելում.
«Ես մեծ հաճույքով կկրեի, եթե ինձ տային: Ինձ չեն տվել»,- պատասխանել է Երիցյանը: Արդյոք ինքը լինելու՞ է «Օրինաց երկրի» համամասնական ցուցակում՝ հարցին էլ հուսադրող պատասխան է տվել. «Դեռ որոշում չի եղել, բայց կարծում եմ, որ պետք է լինեմ»:
Իսկ ցուցակի որերորդ տեղում կուզեիք լինել՝ հարցրել է թերթի թղթակիցը: «Պատվավո՞ր (ժպտալով)… չգիտեմ, չեմ կարող ասել»,- պատասխանել է ՕԵԿ-ական նախարար Արմեն Երիցյանը»: