Չնայած ռեկորդային ցրտերին և ձյանը, Ճապոնիայի Նագոյա քաղաքի կենտրոնում այսօր անսպասելիորեն ծաղկել է բալենին (սակուրա), ինչը փակուղու մեջ է գցել տեղի բուսաբաններին: Այս մասին հայտնում է ИТАР-ТАСС գործակալությունը:
Նագոյայում առավոտյան ջերմաստիճանը ձմռան այս ամսիներին առաջին անգամ հասել է -5 աստիճանի, վերջին երեք օրվա ընթացքում անդադար ձյուն է տեղացել: Հանելուկային ծաղկած բալենին այդ պատճառով դարձել է ուխտագնացության տեղ, բազմաթիվ անցորդներ նկարվում են այս հազվագյուտ երևույթի մոտ:
«Բալենու ծաղկումը տարվա այս ժամանակահատվածում կանոնների լրիվ բացառում է,- հայտարարել է Նագոյայի բուսաբանական այգու ներկայացուցիչը,- մենք չգիտենք` ինչպես դա բացատրենք»:
Ճապոնիայում ամենացածր ջերմաստիճանը այս ամբողջ ընթացքում գրանցվել է 38 բնակավայրում: Ճապոնական օդերևութաբանական ծառայության տվյալներով՝ ամենաուժեղ ցրտերը նկատվել են Հոկայդո կղզում` 32.6 աստիճան ցուրտ:
Ճապոնիայում արդեն մի քանի օր է՝ չեն դադարում ձյան տեղումները: Հոնսյու կղզու հյուսիսում ձյան ծածկույթը հասել է 4.3 մետրի: Ձյան տեղումները դժվարացնում են տրանսպորտի աշխատանքները: Տարբեր միջադեպերի պատճառով հյուսիսային և կենտրոնական շրջաններում մահացել է ավելի քան 50 մարդ: