«Վտանգը, որ Աժ ՀՀԿ-ական պատգամավոր, ՀՖՖ նախագահ Ռուբեն Հայրապետյանը կպառկի էքսկավատորի տակ, անցել է»,- գրում է «ՀԺ»-ն ու հավելում.
«Հայրապետյանն ու «Հրազդան» մարզադաշտի սեփականատեր, Աժ ՀՀԿ- ական պատգամավոր Աշոտ Աղաբաբյանը հաշտվել են: Աղաբաբյանը երեկ մեզ հայտնեց, որ ամանորից առաջ ինքն ու ՀՖՖ նախագահը հանդիպել են և քննարկել մարզադաշտի շրջակայքում առևտրի կենտրոն կառուցելու խնդիրը:
Հայրապետյանը, ինչպես տեղեկացրել ենք, սպառնացել էր, որ առևտրի կենտրոնի կառուցման դեպքում կպառկի էքսկավատորի տակ ու թույլ չի տա դրա կառուցումը»:
Աղաբաբյանը թերթին հայտնել է, որ իրենց առաջին հանդիպման ժամանակ վերջնական որոշում չի կայացվել: «Մենք նորից ենք հանդիպելու հունվարի 15-ից հետո, այդ ժամանակ ամեն ինչ կորոշենք, դրական լուծումներ կլինեն: Մենք էլ զիջումների կգնանք, ինչ-որ չափով՝ իրենք էլ, որը կօգնի ընդհանուր գործին»,- ասել է պատգամավորը: Ըստ նրա` առևտրի կենտրոնը կառուցվելու է նախատեսված վայրից մի քիչ հեռու:
